Qırım derdinde

Bu resimdeki taşlar kaotik degil, sanki aselet böyle şekilde qoyulğan körüne. Dağlarda bularğa rastkeldim. Qarabiy-yayla tarafında.

Birinci körgenimden yahşı belli bir şey aqlıma tüşti - tavrlar qabirleri. Aynı şekilde yapılğan, yalpaq taşlardan dört köşeli ve qapaqlı qadeler. Aytqanım qurumlar 2000 yıl ögünde qurulğan, anın içün bir tarafı bozıp açıq olğanı normal bir şey edi. Lakin bilem de, yayla üstünde bir köyler yoq edi. Suv ancaq buzuq qobalarda olğanında adamlar oturıp yaşamay edi. Demek te mezarlıq olmaz. Bütün böyle tavrlar köyleri dibdeü vadede edi, yaylada degil. İşte bu taşlarnın manası ne - qabirmi, başqa bir şey içün azırlanğan qurummı yada kaotik şekilde olğan taşlar - bilmeyim.

Bu resim yapqanım künü şeerni çoq kezdim. Resimge layıq evçiklerni, manzaranı, soqaqlarnı aradım. Niayet taptım. Menim eski dostum yaşağanı soqağı - Serova soqağında - kölgeye turıp resim sızıp başladım. Şu soqaq ğayet mot yerli ressamlar içün. Onlarce yada yüzlerce resimler tamam bu yerde sanaatçı qolundan çıqqan.

Men balalıqtan hatırlayım o yerde ressamlar turğanlarını ve tamam şu yerlerni sızğanlarını... Şimdi, olar episinin işlerini tapıp qıyaslamaq istegim peyda oldı. Yazıq ki yıl-yıldan eski soqaqlardan daa az şey qala. Şimdi de en meraqlı evnin tamir işleri olğan son bir ressam mında keleceginde şubelenem. Lakin fotoresimler bardır. Olarnı tapıp cemaatqa ilan etmektir...

Balıqlava resimi

Bir kün Balıqlavanın güzel bir fotonı aldım. Vaqıtım olğanı sebebinde saat içinde bu resimnen oğraştım. Bu resim qara kağıt üstünde sızılğan. Şöyle usulını birinci kere qullandım)